దుర్ముఖి లో- కాలసర్ప, కుజస్తంభన యోగం- పరిహారాలు

ఈ సం|రం లో వృశ్చిక రాశిలో కుజస్తంభనయోగం మరియు సింహా రాశి లో గురు రాహు గ్రహాల కలయిక , గురుగ్రహం అతిచారం చేత తుల రాశి ప్రవేశం , ఒకే చాంద్రమానం లో గురుగ్రహం 3 రాశులలో (సింహా, కన్య, తుల ) సంచరించడం వలన  ఇంకా ది 02-10-2016 నుండి ది 08-12-2016 వరకు కాలసర్ప యోగం ఉండుట వలన దేశానికి, ప్రపంచానికి అనేక అరిష్ట యోగాలు ఉంటాయి.ప్రపంచం లో యుద్ద వాతావరణం ఉంటుంది, ప్రకృతివైపరీత్యాలు ఉండగలవు. వాహన ప్రమాదాలు, బస్ ,రైలు మరియు వాయు ప్రమాదాలు, భూకంపాలు, తుఫానులు రాగలవు. పాలక పక్షానికి సమస్యలు, రాజకీయ నేతలు మరియు వివిధ రంగాలలో లబ్ధ ప్రతిష్టులకు తీవ్ర సమస్యలు మరణాలు రావచ్చును. 

ఈ కాలం నందు ఎవరికి వారు పరిహారాలు చేసినట్లైతే సమస్యలు తగ్గగలవు. మన ఉభయ తెలుగు రాష్ట్రాలలో ప్రతి గ్రామం లో గల శివాలయాలో విశేష అభిషేకాలు, రుద్ర మరియు చండీ హోమాలు, ఇంకా చండీ సప్తశతి పారాయణాలు, లలిత సహస్ర పారాయణాలు చేసినట్లైతే సమస్యలు తగ్గగలవు. ఇంకా సుబ్రహ్మణ్య స్వామి పూజలు, అభిషేకాలు, నవగ్రహ పూజలు హోమాలు చేసినట్లైతే మంచి ప్రయోజనం ఉంటుంది. ప్రభుత్వాలు ఈ విధమైన పరిహారాలు చేయించుట మంచిది.

వృశ్చిక, తుల, ధను, మేష సింహా రాశుల వారు ఈ కాలం లో అన్ని విషయాలలో జాగ్రత్తగా ఉండాలి.. వీరికి  అనేక విధమైన సమస్యలు రాగలవు. కనుక ఈ రాశులలో జన్మించిన వారు యధా శక్తి శని గ్రహానికి అభిషేకం జరిపించాలి. దుర్గా, సుబ్రహ్మణ్య స్వామి వారలకు విశేష అర్చనలు చేయాలి. ప్రతిరోజూ విష్ణు, లలిత సహస్రనామ స్తోత్రం మరియు చండీ కవచం ఇంకా సుబ్రహ్మణ్య భుజంగ స్తోత్రం చదవాలి. ఎవరికి వారు రుద్ర మరియు చండీ హోమాలు చేయించుకోవాలి.

సంధ్యావందనం  అర్హత ఉన్నవారలు తప్పనిసరిగా సంధ్యావందనం  ఆచరించాలి. తద్వారా ప్రపంచ శాంతి లభిస్తుంది.